Почитувани клиенти,
Во перидот од 01.04.2020 г. до 30.09.2020 г, приказот во Изводот за износот за Доспеан кредит по кредитната картичка ќе изнесува 0% од искористениот кредитен лимит, односно НЕМА да достасува месечен износ за плаќање.
За клиентите кои ја прифатиле понудата на Банката за одложување на отплатата на кредитните обврски, Банката ќе пресметува и наплатува камата согласно одредбите предвидени во Договорот за користење кредитна картичка, односно ќе треба да ја платат само доспеаната камата за месецот.
Доколку ја ОДБИЛЕ понудата на Банката за одложување на отплата на кредитни обврски и сакаат и понатаму да продолжат со плаќање на обврските треба да извршат уплата на минимум 5% од искористениот лимит и доспеаната камата за месецот.
Сите уплати на кредитната картичка, за сите клиенти, извршени во перидот од 01.04.2020 г. до 30.09.2020 г, ќе се евидентираат како приливи на сметката и ќе бидат на располагање на корисникот за користење со картичката.
Со почит,
Шпаркасе Банка Македонија АД Скопје
Драги клиенти,
Ве информираме дека Шпаркасе Банка Македонија го продолжи периодот за вршење
трансакции преку електронското и мобилното банкарство БЕЗ ПРОВИЗИЈА за физички лица до 31.5.2020 година. Ве упатуваме да ги користите дигиталните услуги за вршење на потребните трансакции и плаќање на режиските трошоци, со цел да се заштитите себеси од непосакувана зараза од коронавирусот КОВИД-19, како и да ги заштитиме и нашите вработени во експозитурите, кои секојдневно се на своите работни места.
Во периодот на важноста на мерките од Владата на РСМ за ограничено движење на граѓаните, нашите експозитури работат со работно време
од 08 до 16 часот. Сите промени редовно се ажурираат на нашата веб страница на следниот
линк. Ве замолуваме пред секоја планирана посета во некоја од експозитурите задолжително да го проверите нејзиното работно време.
За сите останати потребни информации за нашите понуди и услуги можете да се информирате и преку веб-страницата на Банката
www.sparkasse.mk, социјалните мрежи и Контакт центарот на телефонскиот број 02/3200-600.
Грижете се за себе и за Вашите најблиски. Заштитете се од коронавирусот и останете дома!
Ви благодариме за разбирањето.
Со почит,
Шпаркасе Банка Македонија
